前港姐婚禮上強搶花球好恨嫁?憑《再創世紀》女強人一角大獲好評

前TVB娛樂新聞臺節目主播黎國輝,同太太其實早喺兩年前就已經注冊,日前兩人補擺喜酒,圈中唔少好友都紛紛出席為一對新人送上真摯嘅祝福。其中都包已經分手成一年嘅羅天宇同湯洛雯。

昨日,湯洛雯就喺社交網上上載咗幾段短片,其中不僅有新娘嘅一班舞蹈員朋友火辣勁舞,仲有好緊張刺激嘅搶花球環節。只見湯洛雯企到最前排,喺花球拋出之際,眼明手快嘅佢一個箭步就踩上去,成功搶得花球。搶得花球嘅湯洛雯宛如細路一般,開心嘅高舉勝利品,仲自封為“籃板王后”!

而舊愛羅天宇作為兄弟團嘅人員之一,同樣都出席咗婚禮,雖然兩個人喺早段時間已經公開宣布正式分手。分開后兩人生活各自精彩,儘管而家兩人暫時仍是單身,但唔知會否經過今次參加好友嘅婚禮而舊情復燃呢?

話時話,1987年生嘅湯洛雯喺中五后曾經喺倫敦升學,后來喺2012年嘅時候,透過網上報名參加咗香港小姐嘅選舉,雖然最后止步于六強,但佢又獲得咗“旅游大使”同“美麗升華大使獎”嘅好成績。

入到TVB后,湯洛雯就開始參與劇集嘅拍攝,譬如《愛·回家》、《潮流教主》、《完美叛侶》、《與諜同謀》、《燦爛的外母》、《同盟》、《城寨英雄》、《刀下留人》、《翻生武林》、《逆緣》、《再創世紀》等。

而佢都憑借喺《再創世紀》中飾演嘅女強人角色阮令翹而備受關心,據悉,喺跟住落嚟嘅劇集《婚姻合伙人》、《包青天再起風云》、《丫鬟大聯盟》、《機場特警》中均擔任重要角色,期待湯洛雯精彩噶演出!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *