呢排，前港姐朱千雪就趁住31歲生日，喺社交平台公開宣佈與青梅竹馬嘅醫生男友結婚，唔少圈中好友紛紛送上祝福，佢仲曬咗幾張婚照，真係隔著屏幕都感受到佢哋嘅甜蜜。
由于喜訊突然宣佈，於是引來唔少網民嘅猜測，甚至仲傳朱千雪今次係奉子成婚，所以順勢與老公喜結連理。
不過事後朱千雪喺接受訪問時就大笑澄清講：「no i am not pregnant haha！（我冇大肚！哈哈！）」
朱千雪自從參選港姐以嚟，觀眾緣好好，喺走紅上位期間，佢就喺2015年嘅時候，向TVB請假一年去修讀香港中文大學企業傳播社會科學系碩士學位，并喺2016年畢業。之後佢仲喺2016年9月修讀香港城市大學法律博士學位，真係「學霸港姐」。
雖然朱千雪離開觀眾視線有一段時間，但係唔少觀眾都好掛住佢喺螢幕前嘅身影，而家更宣佈升呢做人妻，因此粉絲們擔心佢系咪會離開香港，退出娛樂圈。據有關報道指，朱千雪跟住將會移居新加坡，更將香港手上多個物業放出，凈賺二千幾萬。
對此，朱千雪喺接受訪問時就澄清表示：「多謝大家咁睇得起我，但係我冇本事有咁多層樓，更加冇本事可以放咁多層樓套現，其實嗰啲單位係屋企人嘅正常投資，都唔係呢排嘅交易，所以大家唔好諗咁多，我仲要不停工作，自己儲錢買樓，而且我暫時都會兩邊飛，之后嘅嘢之後先算。」
唔理點樣，都係希望朱千雪可以早日回歸幕前，期待佢哋可以早日傳出好消息，祝福祝福！
Like MisshkNews Facebook！不出门也能知天下事～
