前港姐有劇唔拍,竟然係因為佗B嫁豪門

前港姐譚凱琪(Zoie)一向都有「童顏女神」嘅稱號,佢同拍拖八年嘅餐廳老板莊日宇,喺今年2月尾嗰陣高調宣佈正式入紙登記結婚。

而呢排譚凱琪本來已經落實拍攝嘅兩套劇集,佢竟然推咗兩套劇,其中一套《BB大晒》更加係已經試完造型,有好多人都懷疑佢疑似有喜。

事后,記者致電譚凱琪詢問,譚凱琪就話:「係我屋企突然間有啲事要我去處理,所以同公司請咗幾個月假,公司好好,而且劇組都好明白事理。」

最后記者實在忍唔住,問譚凱琪係咪因為三個月唔可以講?譚凱琪表示:「係家事唔想透露太多,希望你明白,而且生仔喺計劃之內,好多人都叫我交功課,我會鞭策老公,同佢講大家催我哋交功課。」

而譚凱琪喺《BB大晒》呢部劇集原本嘅角色,而家由視帝王浩信嘅老婆陳自瑤頂上,陳自瑤話:「我冇問咁多,係公司安排嘅,我會做好角色,可以參與呢部劇集我覺得好開心。」

唔理點樣,如果譚凱琪真係有咗,希望佢BB可以健康出世,都希望今后譚凱琪再帶比我哋更好睇嘅劇集,期待你哋嘅好消息。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *