前港姐為上位曬命,唔繼承老竇生意偏發明星夢

正如一位老前輩話:「如果冇家底,就唔好入行發明星夢,因為好辛苦。」不過,喺TVB嘅茄喱啡、18線藝人其實大部分都唔係普通人,好多都係開豪車、有工人、住別墅嘅富二代。

譬如,2014年港姐亞軍王卓淇,順利簽約TVB做藝員,雖然外貌甜美,但係可以發揮嘅角色好少。

“王卓淇 港姐”的图片搜索结果

喺TVB,王卓淇撈得半紅半黑,佢飾演過唔少電視劇角色,包括《愛情食物鏈》、《我瞞結婚》以及《果欄中的江湖打嫂》,可以講係零代表作,但佢最終喺《十二傳說》演技大爆發,獲得好評。

入行五年嘅王卓淇,因為有一個做護膚品生意嘅富爸爸,大陸更有五十萬呎廠房,可以讓佢可以毫無負擔去發明星夢,貫徹有錢人想做就去做嘅作風,身家過億,就算唔拍劇都唔驚無錢洗。

冇工開嘅日子,王卓淇最鐘意自拍,背景除咗各處美景,仲有唔少更加係自家豪宅,曬屋又曬身材。

皆因,后生細女嘅王卓淇一早同媽咪喺香港定居,并靠老竇贊助喺香港買咗樓做業主,富爸爸為咗可以讓個女安心留港發明星夢,唔單止買咗樓仲配置咗工人同車。

所以,每次拍劇王卓淇都帶一支軍隊出巡,好似一線花旦出場,工人同媽咪全程陪同,而且成身都係奢侈名牌,唔怪得當時拍攝《果欄中的江湖大嫂》嘅時候,馮盈盈更開腔:「佢帶埋阿媽同工人返工,炫富」

據悉:王卓淇有家族生意唔做,去搞時裝店同網店都係想滿足自己,對外宣稱係自力更生,但無論蝕本定賺錢都有爸爸支持,喺TVB人工1萬幾,但爸爸額外又會畀超過10萬嘅生活費。

所以,王卓淇喺社交平台曬出嘅名牌,其實亦都係嚟自爸爸荷包,曬自拍性感照過於頻繁嘅佢,更被唔少網友點評:好cheap同自戀,有啲相姿勢台好過火,令人有所遐想。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *