前港姐畀傳與人夫「拍拖」,男方強調舊年已經同女友分手

舊年四月份,前港姐黃心穎因為「安心偷食」單嘢形象受損,工作全部畀公司叫停,而佢潛水去美國八個月,期間有報道指佢已經轉行做地產經紀,仲改咗英文名想重新開始。

不過黃心穎喺舊年12月高調宣佈返香港,當時佢不愿透露太多,指呢次返香港只為同屋企人團聚。

不過黃心穎自從返香港之後,也一直保持更新社交平臺動態,有傳媒指佢似乎係為咗第日復出試水溫,佢嘅一舉一動都畀傳媒關注。

呢排黃心穎又傳出緋聞,有報道指黃心穎與RubberBand鼓手泥鯭(黎萬宏)一齊去寵物店「拍拖」。

原來係因為黃心穎啱領養咗一隻狗寶寶,佢形容係“愛”啱啱降臨喺自己嘅生命之中,於是同佢改名為Love。

黃心穎今日就傳聞表示:「自己同Love之間好有緣,笑稱love喺好短時間內已融入屋企,好似主人姿態一樣,而家手機都全部都係佢啲相。」

對于有報道指黃心穎同人夫RubberBand鼓手泥鯭喺寵物店「拍拖」,黃心穎回應對方係一個有養狗經驗嘅朋友,同埋佢係陪自己買寵物用品,其他嘅無回應。

泥鯭喺2017年曾經向拍拖多年嘅圈外女友阿欣求婚成功,當時仲喺社交平臺曬出求婚戒指,有指泥鯭同阿欣舊年結婚,但一直未有公佈喜訊。

泥鯭尋晚喺網上回應話:「多謝大家關心,我宜家係單身,之前的確係諗過結婚,但最終結唔到,舊年已經分開咗,只係我一向都選擇低調處理私人事,所以冇特別公佈,呢個時候希望大家多關注疫情,小心身體。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *