前港姐結婚唔到半年畀曝有喜,素顏出街身材明顯發胖

前港姐朱千雪(Tracy)自從出道以嚟,就憑住甜美嘅長相獲得咗唔少觀眾喜愛,近年嚟,佢無論喺事業、學業甚至係愛情朱千雪都可謂好圓滿。

舊年8月份,朱千雪喺巴里島與拍拖多年嘅醫生男友吳昆倫(Justin)走進咗婚姻嘅殿堂,由於朱千雪考慮到吳昆倫係圈外人,因此成個婚禮都相當低調。

據悉,朱千雪同吳昆倫兩家人係世交,因此兩個人從細就認識,更有緣嘅係兩個人都喺同一間醫院出世,就兩個人嘅生日都只相差3日,可以講係青梅竹馬。

而吳昆倫嘅家底豐厚,老竇係茶行老板可以講係一個富二代,但係吳昆倫卻冇一啲富二代嘅嬌慣,自細就好努力,佢大學嗰陣讀嘅係醫學院,而家更加喺新加坡做放射學顧問醫生。

朱千雪曾經接受傳媒采訪時就對吳昆倫贊不絕口,佢表示吳昆倫係一個好好嘅男仔,兩個人喺價值觀同性格方面都好行得埋,因此兩個人相處起都好舒服。 然而呢對結婚仲唔到半年時間嘅新婚夫婦,今日就畀爆出疑似有喜好消息,見到朱千雪身形都比之前變得圓潤唔少,完完全全係一位大肚婆嘅裝扮。

而家見到朱千雪畀曝出大肚嘅消息,的確讓人驚喜,misshk都祝福朱千雪同佢醫生老公生活幸福,期待佢哋嘅BB早日出世。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *