前港姐翻睇《法證先鋒3》直言掛住拍劇,但時間好難將就

日前,前港姐陳茵媺出席咗護膚品活動,不過活動上見到一向膚白貌美嘅佢,卻明顯曬黑咗,但女神風范依舊不減,已經成為兩子一女媽咪嘅陳茵媺,真系凍齡有術,以一身碎花裙亮相嘅佢,仍顯得僆妹味十足。

對于皮膚畀曬黑,陳茵媺就話:「因為最近成日帶小朋友去沙灘,所以曬黑咗,跟住落嚟嘅暑假會計劃帶仔女返加拿大度假。」

而今次活動中陳茵媺就與梅小青碰面,兩個人曾經喺《法證先鋒3》合作過,今次再度碰面,兩個人談天說地雞啄唔斷,問到對方有冇邀請回巢拍劇,陳茵媺就話:「頭先都未有時間詳談,因為好耐無見,太開心,都系講扮靚嘅嘢。」

為咗畀《法證先鋒4》造勢,最近嘅深宵劇集都喺到重播《法證先鋒》系列,陳茵媺都直言最近喺到翻睇當年自己演出嘅《法證先鋒3》。

佢話:「自己真系好掛住拍劇,好想拍劇,但系要照顧三個小朋友,時間好難將就,拍電影就易將就一啲,如果我出去做嘢,老公都會喺屋企照顧小朋友,因為我哋唔放心,所以點都會有一個人負責帶小朋友。」

1981年出世嘅陳茵媺,同大多數藝人一樣,都系通過選美而入行,喺多倫多安大略藝術設計學院取得設計學位之後,曾經做過平面設計同視覺藝術師。

由于自細夢系做香港小姐,喺獲得父母嘅支持之後,佢就到香港參選,直到喺2006年嘅時候,參家《香港小姐競選》,兼夾獲得咗「國際親善小姐」成為雙料冠軍。

不過,陳茵媺喺2015年嘅時候與TVB約滿,結束咗9年嘅賓主關系,喺與陳豪成為夫妻之後,實行三年抱三嘅佢,都以全職湊仔同家庭為由宣布暫時淡出娛樂圈。

唔理點樣,睇到陳茵媺而家咁幸福,都祝福佢哋一家五口開心幸福,祝福祝福!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *