前港姐腳傷情況好轉,多謝老公悉心照顧

前港姐王君馨較早前拍攝TVB新劇《超能使者》,其中佢由高處跳落嚟嗰陣不慎受傷,導致其右腳踝韌帶折斷同撕裂,休養咗3星期之后終於有好轉。

呢日,王君馨出席《我家無難事》試造型活動,佢話感謝廿四孝老公悉心照顧,負責煮飯、洗衫、洗碗家務。

王君馨仲話:「呢排喺屋企慢慢活動幫手洗衫,醫生話再養傷3個禮拜,就可以跳少少舞,到時老公返紐約探親,因為出入境要隔離,所以我同老公要圣誕節先見面。」

講到王君馨,其實佢喺2007年參加香港小姐獲得亞軍,第二年佢因為舞技出眾,畀TVB委派參加《舞動奇跡》,并同同大陸男藝人俞灝明獲得冠軍。

王君馨原本以為可以劇接劇做女主角,可惜事與願違,佢加入TVB咁多年一直未能上位,論外形同埋努力佢唔輸任何人,但總係少咗一啲機會。

2016年嗰陣,王君馨憑借《城寨英雄》飾演風情萬種嘅花曼,成功令王君馨人氣急升,奪得《TVB萬千星輝頒獎典禮》最受歡迎電視女角色。

不過自此之后,王君馨似乎有種消失嘅感覺,已經好少再睇到佢參與拍攝電視劇,原來佢眼睇無望上位,自資六位數「發歌手夢」。

王君馨升呢做人妻之后就更加冇顧個之憂,佢以白色超Deep V泳衣瞓喺沙灘上,更濕身拍攝新歌《Casada》,佢喺鏡頭前扭動蛇腰,極度誘惑。

王君馨為咗做歌手搏到盡,老公相當支持,發布會當日更上臺獻花,王君馨表示老公好支持自己去追夢,即使買樓無限期延遲,都要實現自己夢想。

唔理點樣,都係希望王君馨喺之後嘅事業上可以有所成就,期待佢嘅表演!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *