前港姐謝芷倫突然富貴，原來準備嫁中年肥大叔

前港姐謝芷倫（Jan）喺2014年參選港姐，兼夾以大熱嘅姿態進入到決賽，雖然最後落選港姐，不過佢憑借其口才，喺選美結束之後，順利進入到TVB發展其演藝事業。

感情方面，謝芷倫喺2014年選港姐嗰陣，已經有傳聞有未婚夫，但佢當時信誓旦旦話冇咁嘅事，坦言感情一直空白。

不過，呢排傳出謝芷倫一早名花有主，謝芷倫真係收得好埋，男朋友竟然唔係馬貫東。

據悉謝芷倫同有米中年肥大叔秘密拍拖2年，男友更經常揸住價值60萬嘅靚車管接管送，但謝芷倫唔想咁多人知道，所以佢哋拍拖嗰陣都好低調。

自從謝芷倫認咗有米中年肥大叔突然富貴，經常會喺社交平臺分享自己嘅富太生活相，譬如去玩哥爾夫球、出入游艇會同參加游艇派對等。

不過謝芷倫就從未暗示過自己名花有主，直到今年初有傳媒影到佢同一位身形肥胖嘅中年男士行街，但謝芷倫堅決唔提感情事，低調處理。

直日前謝芷倫先喺社交平台公開一張羊駝新人公仔兼hashtag「我愿意」，大方承認揾到Mr. right，不過對感情生活低調嘅謝芷倫就未有透露任何求婚細節。

除此之外，謝芷倫仲留言話：「Mr. Right 你都唔係好肥啊，定係我太瘦所以顯得你肥呢，為咗你，我惟有好好增肥啦。」，睇嚟謝芷倫可以為愛增肥，佢哋感情咁多真係羨慕死人。