前港姐賣豪宅食過世,佢嘅鄰居竟然有…

40歲嘅前港姐徐子珊,最近接受傳媒訪問時宣佈正式退出娛樂圈,更聲稱自己賣車賣樓去歐洲攻讀心理學博士,結束十五年嘅演藝生涯!

除咗徐子珊嘅日後動向,唔少人亦好關心佢賣車賣樓係賺定係蝕,尤其現時樓價持續高企,大家相信佢「執唔少」。

據悉,徐子珊喺2010年以1080萬港元購入實用面積達723平方呎嘅薄扶林貝沙灣4期南灣一座低層B室,一直持有到而家。

而根據資料顯示,貝沙灣4期南灣一座中層B室同2座中層B室,現分別就以2600萬同2200萬喺二手樓市放盤。如果徐子珊成功售出單位,帳面約勁賺超過1000萬,慢慢搣一定有排洗。

其實唔少圈中人都選擇喺貝沙灣置業,除咗周潤發、古天樂之外,仲有金像影帝嘅張家輝亦曾經喺2007年豪擲2300萬購入一個2000多呎嘅海景單位,更加喺2011年以3560萬出售,帳面上勁賺一千幾萬。

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *