最近，受新冠肺炎疫情影響，令口罩供不應求，當中更有唔少長者因為冇口罩而困于家中，唔敢出門。有鑒于此，社會各界人士出錢出力采購口罩免費派送低層人士、長者，希望可以幫到佢哋。
前港姐李施嬅同樣係有愛心之人，連日嚟佢周圍打聽同搜購口罩，雖然未能成功買到口罩，但佢將喺屋企僅有嘅口罩都攞出嚟派，希望可以以一己之力，盡可能去幫助街坊。
據悉，李施嬅相約義工團隊前往華富邨，期間佢仲親自上樓，逐家逐戶噉敲門向長者免費派發口罩，實在係善舉感人，大群網友激贊李施嬅好有愛心。
李施嬅仲喺社交平臺分享派口罩嘅相，佢留言話：「希望大家都團結，唔送口罩出去都唔好加價，街上有一個人病人，其實自己都會有危險。大家都係搭埋同一條船，每個人都要健健康康，香港先會好。」
Like MisshkNews Facebook！不出门也能知天下事～
