前港姐阿妹樣靚身材正，唔入行嘥晒

日前，前港姐湯洛雯正式公開同馬國明拍拖，當時「明湯戀」消息傳出嗰陣，阿妹湯樂瑤話：「好開心，我個終極宅女家姐卒之出pool！唔該馬國明好好照顧。」

當時湯洛雯都有回應傳媒：「阿妹講笑啫！佢驚我蝦馬國明多啲。」其實比湯洛雯後生10年嘅阿妹湯樂瑤樣靚身材正，而且經常會喺社交平臺曬泳衣靚圖，唔入行真係嘥晒。

湯樂瑤喺社交平臺已經有超過6萬個追蹤，求其曬張相閑閑哋都有幾千like，而且泳衣又有，長腿又有，網民睇到相當開心。

不過湯樂瑤較早前就表未有意思加入娛樂圈，暫時只以KOL網紅接廣告。