前港姐靚靚蛋糕切唔停，正日梗係留畀老公

「幸福人妻」朱千雪呢幾年已經好少喺幕前亮相，但佢喺社交平臺依然好活躍，6月28號係朱千雪嘅32歲生日，但朱千雪連日嚟已經同唔同嘅朋友慶祝切蛋糕，包括好友岑杏賢、張嘉兒、蔣家旻同劉倩婷。

朱千雪仲喺社交平臺分享多張慶生相，留言話：「Pre-birthday celebrations. ❤️今年蛋糕可以切到底 ?」，今日係朱千雪正日生日，唔知道係唔係要留畀老公一齊慶祝，一齊撐抬腳呢？

講到朱千雪，其實當年佢參選2012年香港小姐奪得季軍入行，雖然當年因為網上投票系統發生問題，而失落冠軍寶座，但卻贏得民心，獲封為民選港姐冠軍。

朱千雪加TVB后備受力捧，首次參演電視劇《On Call 36小時II》即擔任重要角色向芊兒，飾演醫生嘅朱千雪無論係樣貌定演技，都獲網民激贊，更指《OnCall 36小時II》係朱千雪BB顏值巔峰之作。

當年25歲嘅朱千雪同49歲吳啟華喺劇中飾演情侶，雖然兩個人年齡差距大，但就出奇噉毫無違和感，觀眾激贊佢哋嘅演技自然，令人睇得舒服。

2016年朱千雪喺劇集《EU超時任務》首次擔正做女主角大獲好評，畀網友視為視后大熱，雖然最終失落寶座，但同拍檔王浩信憑此劇奪得「最受歡迎劇集搭檔」。

翌年朱千雪再憑借《踩過界》勇奪《星和無線電視大獎2017》「我最喜愛TVB電視女角色」。

朱千雪事業發展順利，但朱千雪醉心追求知識，寧愿減少幕前演出都要繼續學業，佢喺2015年向TVB請假一年，去修讀香港中文大學企業傳播管理碩士課程。

2016年畢業之后，朱千雪再修讀香港城市大學法律博士課程，一邊讀書，一路做嘢，獲封為學霸港姐。

舊年6月份，朱千雪同拍拖5年嘅醫生男朋友Justin拉埋天窗，過住幸福人妻生活，相信唔少網友都好期待可以再次睇到千雪BB嘅幕前演出。