TVB熱播劇集《智能愛人》出街到宜家評價不俗，表現平穩，其實劇集早喺大陸率先出街，網民激讚李佳芯（Ali）演技超班，值得再攞TVB視后。
除咗李佳芯獲讚之外，唔少網民仲讚前港姐馮盈盈（FYY）演技有進步，話佢飾演嘅高傲嚴肅上司多姐，同男主角陸永有感情線，頗得觀眾歡心。
有網民直言馮盈盈喺《智能愛人》中冇咁乞人憎，睇嚟已經成功洗甩八婆、是非精味。
馮盈盈入行以嚟以是非精形象入屋，但呢幾年馮盈盈獲得好多拍劇機會，喺《反黑路人甲》、《逆天奇案》飾演嘅角色一反八婆形象，亦令觀眾有新鮮感。
雖然馮盈盈嘅演技飽受批評，唔少觀眾話佢過於浮誇，但係今年佢喺《好聲好戲》中聲演《宮心計》嘅劉三好小演員，聲淚俱下，獲得所有人一致好評。
呢次馮盈盈喺《智能愛人》飾演多姐，亦令人見到演技有進步，睇嚟假以時日馮盈盈繼續努力，攞到TVB視后唔係冇可能！
Like MisshkNews Facebook！不出门也能知天下事～
