前港姐4年前退出娛樂圈,宜家為病母轉行做「骨妹」

TVB深宵時段重播《律政新人王》,陳思齊喺劇集中飾演Ben(林峯飾)妹妹Gogo,陳思齊自從2001年加入TVB之後,多次飾演妹妹嘅角色,畀網友封為「TVB御用妹妹」。

不過現年37歲嘅陳思齊早就知道唔可以一直飾演「妹妹」呢類角色,加埋為咗照顧媽咪,所以一早轉行做心靈治療按摩師。

陳思齊原名叫陳凱怡,喺2000年參加《香港小姐競選》,賽前作為「翻版朱玲玲」成為大熱嘅佢,可惜大熱倒灶五強止步。

不過陳思齊仲係加入咗TVB成為演員,曾經做過兒童節目主持,演出劇集代表作有《老婆大人》系列、《碧血鹽梟》同《搜神傳》等。

由於陳思齊外表清秀,畀人睇上去弱質纖纖嘅感覺,因此經常飾演妹妹或者丫鬟等角色,不過由于年紀大咗,個樣唔再好似妹妹,所以就喺2013年離開咗TVB。

後尾陳思齊都有加入香港電視,并演出咗幾套劇集,卻因為牌照風波令港視發牌無期,佢最後喺2015年正式退出娛樂圈。

退出娛樂圈之後,陳思齊選擇讀書進修音樂治療同香薰按摩課程,因為媽咪患上五十肩,孝順嘅佢為媽咪按摩以紓緩痛楚。

唔理點樣,都係希望陳思齊喺之後嘅事業上可以有所成就,期待佢早日復出嘅表演!

Like MisshkNews Facebook!不出门也能知天下事~

One Comment on “前港姐4年前退出娛樂圈,宜家為病母轉行做「骨妹」”

發佈留言

發佈留言必須填寫的電子郵件地址不會公開。 必填欄位標示為 *