唔知道，大家仲對《法證先鋒IV》扮屍體嘅胡美貽有無印象，胡美貽真人親自上陣扮屍體，據悉拍攝嗰陣佢著住底衫褲攤喺冰冷嘅道具手術臺上，「死」都要搏盡！
講到胡美貽，其實佢喺2017年參加香港小姐競選，雖然佢最後落選港姐，但仲係獲得TVB邀請進入TVB訓練班，正式發展其演藝生涯。
胡美貽更憑借超人氣節目《3日2夜》，大曬34E火辣身材，畀網民封為新一代咪神。
睇到胡美貽咁搏命，你一定好難諗到佢有一個富爸爸，其實胡爸爸睇見自己個女喺節目中大騷錫士，胡爸爸非常唔滿意，更加希望個女退出娛樂圈，執包袱返美國。
但一路硬頸唔衰得嘅胡美貽就表示：會繼續追尋自己嘅演員夢，表示會努力搵錢，傾到之前喺《法證先鋒IV》中飾演女屍，佢表示唔乜角色佢都會盡全力做到最好。
聽講，超人氣節目《3人2夜》經過重新包裝之後會喺TVB再次出發，胡美貽就期待自己可以繼續參演，其實一個最想去嘅地方係迪拜。
至於自己已經封盤，男朋友會唔會介意自己喺節目中大騷好身材？胡美貽表示男朋友會呷醋，「如果佢一啲都唔嬲，反而會好得人驚，但係都要睇情況，會同佢做好溝通。」
據悉，胡美貽嘅男友家境富裕，呢排更加係以3.3億元出手持有70年嘅旺角單幢物業，而男友本人從事餐飲、金融以及外國嘅地產生意，可謂係青年才俊。
唔理點樣，都係希望胡美貽喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
