前TVB小花直認可接受打美容針 坦言:適可而止,唔好上癮

藝人陳美詩(Macy)同張惠雅(Regen)為美容店剪彩,Macy低胸裝曬事業線,因老公孫耀威本周五喺九展開演唱會。

佢現階段已改名叫「阿燕」:「我最近忙住要分‘飛’(演唱會飛),變咗『分飛燕』,幾晚分飛分到半夜4、5點,好驚分漏或者分唔到好嘅位置。其實演唱會最大壓力唔系做騷嗰個,系分飛嗰個至真。我而家覺得好彩當日結婚時冇擺酒,因為分位真系好頭痛。」

講到孫耀威為個唱,減咗十幾公斤,身形Fit爆,Macy承認有贊老公錫士:「見到佢手臂、胸肌、腹肌嘅線條出嚟,我忍唔住同佢講,要佢之后,可唔可以繼續keep住呢個身形,之前真系有D貨不對板,而家就收貨啦。」問到可會考慮打美容針?Macy稱少少適量可以接受,但系要適可而止,唔好上癮便可。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *