前「TVB小花」劉芷希（Kimmy）事業啱啱有起色，日前佢急住翻鄉下吉隆坡繼承老竇嘅中藥批發生意，并計劃同拍拖3年嘅機師男友結婚生仔，有機會再搏殺影藝事業！
劉芷希喺2012年當選《中華小姐環球大賽》亞軍，并勇奪「完美體態小姐」同「最高貴氣質小姐」3項殊榮，2017年更喺《香港珠寶小姐》奪冠并決定留港發展。
劉芷希選美結束之後順利簽約TVB，佢主要做茄哩啡，但較早時喺《黃金有罪》飾演「舞小姐」演技爆發，加埋身材火辣，成功彈出。
而喺呢排熱播嘅《降魔的2.0》中，劉芷希飾演馬國明嘅女優偶像，更以日本女優之名「瑠佩悅子」推出寫真集，當中有女仆Cosplay造型，極盡誘惑！
劉芷希就離巢一事受訪，佢坦言：「爸爸年紀大，佢做中藥批發生意，想我幫手打理，完成呢件事之後，我會再做戲，因為我太鐘意演藝事業，今次只係暫別！」
而且劉芷希直言視香港為第二個家，希望完成人生計劃之後再戰影視圈，記者問到會唔會擔心同另一半嘅感情受到考驗？
劉芷希話：「我哋識咗3年，之前異地戀係有問題，所以呢次翻去要解決家庭問題先，父母好鍾意佢，可能驚我再遲啲嫁唔出，所以想我快啲結婚生仔。」
（機司男友介唔介意你性感演出？）佢係飛機師，又喺外國長大，鬼仔性格，我哋相處係靠互相信任，唔會詐型！
Like MisshkNews Facebook！不出门也能知天下事～
