前TVB港姐事业得意,卻自爆細佬賴嘢畀人呃

呢排,前港姐陸詩韻現身到尖沙嘴出席商界活動,期間,佢表示其網上美容用品生意經營咗3年幾,每年都有錢穩,并計劃參加年中嘅中小企企業獎。

佢話:「繼選港姐之后,我再次遞表,我都做咗PowerPoint報名,希望爭取攞獎,6月有結果。」佢又指,網上經營生意唔容易,最近出現網上騙案,但受害者唔系顧客而系商家。

原來,網上有中介公司稱已經收費,商家發咗貨之后,買家就報稱遺失信用卡而Cut卡,令商家蝕咗貨又收唔到錢,認真陰功!陸詩韻就透露,自己嘅細佬最近賴嘢帶嚟損失。

佢話::「唔排除果D人系真系唔見卡,但又可能有人扮受害者Cut卡,我細佬最近賴嘢,損失咗七千幾蚊,希望香港有多啲條例保障我哋商家。」

1980年出世嘅陸詩韻,佢系前TVB小花,2005年佢曾經參加香港小姐競選,并獲得亞軍,因而投身娛樂圈發展。入行兩年,陸詩韻開始接拍無線劇集,首部作品系《同事三分親》,佢喺劇中客串演出。

之后,佢陸續喺多部劇集中亮相,但都被安排擔任小配角戲份,間中陸詩韻都會擔任節目主持,增加曝光率同收入。不過,眼見自己嘅演藝事業星途黯淡,陸詩韻決定另謀出路,并于2009年正式宣布息影,之后就轉行做生意。

據悉,佢同朋友合資經營底衫生意,做到風山水起,生意越嚟越好,收入穩定更有唔少盈余,近年,佢底衫生意更與知名牌子合作推出一系列睡衫、底衫等新產品,而陸詩韻更親自負責擔任產品設計師。同時,佢又喺香港開設多間餐廳,生意做得好大。

而家已經生活無憂嘅陸詩韻,最近又開始復出拍劇,舊年佢有份參演無線人氣劇集《宮心計2深宮計》,喺劇中演宋王妃一角色令人印象深刻。

除此之外,仲出演舞臺劇,陸詩韻曾經坦言,多年嚟雖然為生活打拼,但心底未曾經忘記過,自己最鐘意系做戲。期待佢繼續為觀眾帶嚟多啲新作!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *