又一位TVB小生要離巢?加入TVB十三年始終與視帝冇緣

「TVB小生」黃浩然(Raymond)喺2006年加入TVB拍劇,喺TVB工作咗十二年,雖然佢而家已經穩守男主角嘅位置,不過佢卻一直同視帝冇緣。

今日有傳媒報道,指黃浩然本來一直為冇獎攞而耿耿于懷,再加埋受黃心穎「安樂事件」嘅影響,其主演嘅《法證先鋒IV》搵嚟湯洛雯補拍黃心穎嘅戲份,結果成為黃浩然唔續約嘅導火線。

加埋黃浩然自從2014年患上貝賽特氏症,康復之後嘅黃浩然專登減產,將家庭與健康擺喺第一位,啱啱喺杜sir嘅拉攏下,黃浩然將會轉投古天樂嘅公司,重返電影圈!

黃浩然與影後楊千嬅相隔17年、再合作拍攝嘅TVB新劇《多功能老婆》,確定為臺慶劇之一,呢部劇已經決定喺11月25日出街,不過呢部劇分分鐘可能成為黃浩然離巢TVB最後一部作品。

TVB日前安排咗《多功能老婆》嘅一眾演員拍攝劇集宣傳片,但只見到楊千嬅、陳煒、袁文杰、洪永城同朱晨麗等人,反而唔見黃浩然同周柏豪嘅蹤影,未知係咪因為黃浩然已經決定唔續約,所以缺席拍攝呢次宣傳片。

今日有傳媒曾經向黃浩然了解具體情況,不過對方暫時冇有回復。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *