同屆港姐唔同命,有人歡喜有人愁

TVB年年都會舉行香港小姐競選比賽,為TVB加入新鮮血液,好似大家熟悉嘅佘詩曼、蔡少芬、胡杏兒、徐子珊、李施嬅、朱千雪、蔡思貝等人都係港姐出身加入TVB發展。

但并非得到港姐冠軍先可以獲得力捧,例如有啲港姐亞軍、季軍或者前十、前五名嘅港姐佳麗,喺演藝事業上可能都比冠軍發展好。

張嘉兒黃智雯都係2007年香港小姐,其中張嘉兒係當屆港姐冠軍,黃智雯卻係三甲不入,兩個人雖然喺劇集上好少合作,但私低下係好朋友,而家黃智雯已經係TVB花旦,而張嘉兒就係兩女之母,大家各有發展。

尋晚張嘉兒喺社交平台曬出同黃智雯頭貼頭嘅合照,并留言話:「今日喺化妝間撞到黃智雯,好替佢有今年嘅成就覺得開心,希望佢繼續努力加油,等住你攞視後。」

當年張嘉兒奪得港姐冠軍之後,馬上獲TVB力捧擔任2008年北京奧運嘅主播,之後佢參演過唔少劇集,譬如《女警愛作戰》、《愛回家》、《實習天使》、《警犬巴打》、《婚姻合伙人》等劇集,可惜一直未能走紅,多數都係飾演配角。

不過喺生活中張嘉兒就係一位幸福人妻,2015年9月張嘉兒同金融才俊Nathan喺加拿大溫哥華結婚,成為幸福少奶奶,佢喺2016年9月生落大女,2019年再度榮升做媽咪,而家一家四口幸福滿滿。

而黃智雯入行之後從低做起,2012年佢憑借劇集《缺宅男女》飾演「關二嫂」成功上位,角色大受歡迎,之後佢演出《On Call 36小時》、《飛虎》等劇集,讓佢人氣急升並獲得TVB力捧。

而真正奠定黃智雯成為TVB當家花旦地位係喺演出咗《拆局專家》、《律政強人》、《降魔的》之後。2018年黃智雯更憑借《三個女人一個因》中飾演多重人格角色嘅突然表現,奪得當年新加坡同馬來西亞雙料視後。

而今年黃智雯憑借熱播劇《降魔的2.0》、《十八年後的終極告白》再度成為視後大熱門,希望今年可以見證佢取得好成績。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *