失婚名模飛上枝頭變鳳凰,華麗轉身做主席夫人

恭喜!恭喜!現年47歲嘅失婚名模陳祉妤(Balia)終于覓得人生第二春,正式嫁畀新上任嘅TVB董事局主席許濤,華麗轉身升呢做主席夫人。

據悉,陳祉妤同許濤喺呢個月嘅8號正式提交咗擬定結婚通知書,可以睇到佢哋嘅擬定結婚通知書,新郎許濤從事投資管理工作,而佢哋嘅家庭地址都係填寫香港港島區同一處住址,可見佢哋已經同居多時。

其實呢幾年嚟,陳祉妤可以話已經淡出娛樂圈好耐,凈係喺一啲商業活動中浦頭,就連佢嘅社交平臺都係關於吃喝玩樂,好少有佢嘅相出現,因此對待感情生活嘅佢都係相當低調。

其實有細心嘅網民就發現,喺舊年甄子丹嘅老婆汪詩詩生日嗰陣,陳祉妤其實就有帶許濤一齊出席生日宴會,只係介乎許濤工作原因,雙方都好低調,所以都冇引起大家嘅注意。

而現年48歲嘅許濤,唔單止持有雙碩士學位嘅高文憑,更曾經喺多間國企任職過高級經理,可以講閱歷豐富。喺今年4月,許濤更正式接任成為咗新一任TVB董事局主席,同時更任職非執行董事。

陳祉妤呢次真係飛上枝頭變鳳凰,雖然憑借模特身份入行多年,但係佢嘅代表作唔算太多,可能唯最讓人印象深刻嘅係,佢客串出演咗TVB劇集《珠光寶氣》,佢喺劇中飾演陳豪嘅女朋友。

陳祉妤演藝事業發展得麻麻,但係佢同彭文堅嘅婚姻就讓唔少網民記憶深刻,話曬彭文堅曾經備受TVB力捧,佢曾經喺《書劍恩仇錄》做過男主角,但後尾佢因為演技唔過關,所以慢慢開始淪為配角。

當年佢哋嘅戀情畀傳媒曝光之後,一度讓外界相當震驚,儘管之後彭文堅因為卷入財產糾紛,事業落入咗谷底,作為女友嘅陳祉妤都一直默默陪喺佢身邊。

而令佢哋結婚嘅原因,而家講起都不可思議。喺2009年,由于陳祉妤老竇畀查出患有重病,為咗畀老竇沖喜,陳祉妤最終選擇嫁咗畀彭文堅。

然而令人遺憾嘅係,呢段外界看似經歷咗患難、穩固嘅婚姻,就喺結婚兩年之後就傳出咗離婚嘅消息,當時彭文堅畀傳媒曝出婚內出軌嫩模,而作為老婆嘅陳祉妤就第一時間企出嚟,否認傳聞幫彭文堅講嘢。

正所謂無風不起浪,最後佢哋嘅婚姻維持咗三年就宣佈結束,離婚之後陳沛嘉更改名為陳祉妤,佢哋由曾經嘅夫妻變咗朋友,得閑仲會約出嚟食飯敘舊。

而家47歲嘅陳祉妤都終于再一次覓得屬於自己嘅幸福,搖身一變升呢做主席夫人,最後missH都祝福陳祉妤佢哋新婚快樂,開心每一日!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *