婚照曝光!前港姐低調行禮,港姐姊妹團齊齊到場祝賀

恭喜恭喜!前港姐朱千雪今年六月份宣佈與青梅竹馬嘅男友Justin注冊結婚,日前兩公婆終于喺峇里舉行咗低調嘅婚禮,海天一色,加埋親朋好友嘅見證,婚禮現場更加係浪漫感動。

而朱千雪喺今日就向傳媒發放婚照,見到一眾姊妹團都紛紛出席,包括港姐岑杏賢、湯洛雯、張嘉兒、李雪瑩、蔣家旻、劉倩婷等人,真系“最美港姐姊妹團”。

據透露,朱千雪嘅行禮儀式喺中午舉行,以一字肩婚紗亮相嘅佢全程甜蜜笑容,由爸爸一路挽著到玻璃教堂,先將佢交畀Justin(朱千雪老公),儀式簡單卻又好感動,兩人喺80位親友見證下宣讀誓言同交換戒指,正式成婚。

好姊妹湯洛雯喺接受訪問時透露話:“因為朱千雪之前都唔畀我哋睇佢件婚紗,所以當我見到佢著婚紗步入教堂嘅時候,已經忍唔住喊,再加埋我每次聽到結婚誓言都會喊,所以呢個時刻最感動”

完成儀式之後,一眾親友就去到教堂外面與賓客留影,兼夾進行咗拋花球儀式。

最終更由好友岑杏賢接到,唔知道係咪預示好事近呢?

1988年出世嘅朱千雪,喺8歲嗰陣就移民加拿大,喺西門菲沙大學畢業嘅佢,之後就返香港任職兩年行政管理後為咗拓寬眼界,馬上決定參加《2012年度香港小姐競選》,喺賽前就已經視為大熱嘅佢,最終奪得咗季軍好成績。

備受賞識嘅佢,喺選美結束之後就進入到TVB,開始發展其演藝事業,比如《on call 36小時2》、《再戰明天》、《以和為貴》、《鐵馬戰車》、《警犬巴打》、《EU超時任務》、《流氓皇帝》、《踩過界》等。

唔理點樣,祝朱千雪新婚快樂,同老公一直恩愛如初,期待兩個人早日傳出好消息,再次恭喜!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *