子宮頸短隨時早產!29歲港姐人妻懷孕8個幾月臨盆在即

較早前,TVB小花陳華鑫就同大家開心宣布大肚嘅喜訊,當時佢正正懷孕五個月,轉眼間,而家就已經懷孕八個幾月,預產期將喺12月。而陳華鑫今日就喺社交網上上載佢大肚寫真,一面幸福笑容嘅佢托住巨肚,成個畫面溫馨又有愛。

大肚到而家,陳華鑫仍未同大家透露寶寶嘅性別,佢表示話隨著肚嘅越嚟越大,做媽咪嘅感受就越嚟越強烈,佢重留言話:“期待小生命嘅來臨,寶寶乖,瞓多一個月再出嚟玩。”可見其即將正式成為人母嘅興奮之情!

咁講到陳華鑫,1989年生嘅佢曾經參加過2012年度香港小姐嘅競選,雖然最后未能進入三甲,但系佢都同大多數人一樣,喺選美結束之后就進入到TVB,入讀咗第26期藝員訓練班,畢業之后就正式成為TVB旗下藝人,開始發展其演藝路。

加入到TVB,陳華鑫多數都系飾演啲小配角類嘅角色,不過隨著參演劇集嘅增加,佢演技都隨之而進步。陳華鑫喺2014年憑借劇集《貓屎媽媽》飾演丁小美而備受關心,獲得好評。

除此之外,仲有《天眼》、《陪著你走》、《潮流教主》、《純熟意外》、《城寨英雄》、《完美叛侶》、《巨輪2》、《來自喵喵星的你》、《幕後玩家》、《乘勝狙擊》、《與諜同謀》、《降魔的》、《溏心風暴3》、《誇世代》、《性在有情》、《宮心計2深宮計》等。

喺而家正熱播嘅臺慶劇《是咁的法官閣下》中,陳華鑫同樣有份參演。雖然該劇并非咩大制作類型,但系勝在題材夠貼地,自播出以嚟反響相當唔錯。

而喺《是咁的法官閣下》中飾演實習律師嘅佢為咗呃like,竟然喺法庭上偷偷影相兼偷嘢,最后更畀判罪名成立,罰款兩千蚊,甚至對佢獲取大狀嘅資格都有影響。不過跳出嚟睇,陳華鑫雖然喺劇中嘅行為唔討好,但系佢眼鏡律師裝扮則獲得唔少網民嘅激贊!

喺今年年初陳華鑫就嫁咗畀圈外經商者,兩人低調又甜蜜,結婚之后兩人極速造人成功,真系可喜可賀!不過陳華鑫較早前檢查時發現由於子宮頸短,所以寶寶有機會早產,就要臥床休息。唔理點,期待寶寶嘅到嚟,同時都希望陳華鑫分別順利,祝福!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *