misshk自細就有個愿望，就系希望有一日我阿爸會同我講，屋企其實有住好幾百億等我返去繼承嘅，可惜事到如今，我阿爸未爆出呢個驚天大秘密，睇來佢系想讓我多磨練幾年喇。
講真，富豪食嘅著嘅都系最金貴嘅，就連出個門都有保鏢，排場十足，邊個唔羨慕呀！好比大富豪李嘉誠，佢近身保鏢多達25個呀！ 
但系李嘉誠咁小心系有原因，要知道當年嘅悍匪張子強，系標參咗李嘉誠嘅大仔李澤鉅，并成功勒索10億贖金。 
此后，李嘉誠對自己同屋企人嘅人身安全好重視，於是重金請保鏢貼身保護，看家護院。 
有“女星狙擊手”之稱嘅劉鑾雄經常出現喺香港娛樂新聞版面，系香港人盡皆知嘅大富豪。平時劉鑾雄出入公眾場合，身邊最低限跟住4個保鏢。 
但近年嚟，佢身體抱恙，所以特別講究衛生，於是平時嘅貼身保鏢一定要套上白手巾先可以攙扶佢。 
至於劉鑾雄生命中最后一個女人甘比，自從成功上位后，不特財勢唾手可得，生活質素都蹭蹭向上升，出入都有眾多保鏢貼身保護，過上安樂嘅富太生活。 
提到富太咁就要不得不提千億家嫂徐子淇喇。想當初，徐子淇一個前保鏢曾出書揭露咗其富貴生活，奢華程度令人詫舌。 
日日魚翅浪口，名牌堆滿屋嘅徐子淇唔理出席公開場合，還系睇場電影都會有一班保鏢前仆后繼噉圍住佢轉。 
就連佢參加女兒嘅學校公開活動，都會有一班保鏢明里暗里噉保護住佢，睇嚟徐子淇呢個千億家嫂嘅待遇真系不一般呀。 
系人都知道甄子丹小姨子汪圓圓嫁咗畀有顏有錢嘅蔡加贊。然而呢個蔡加贊因小時候畀標參過，於是見過鬼怕黑嘅蔡加贊自此都要保鏢貼身保護。以前同汪圓圓拍拖時，都會帶上保鏢一同出門口。 
兩個人情到濃時，都會嚟個法式深吻，全然唔將呢啲電燈膽放在眼裏，misshk真系佩服。 
不過同以上嘅富豪比起，王思聰有啲與眾不同喇。最近現身韓國睇自己戰隊打比賽嘅王思聰因食熱狗圖片，紅遍網絡。 
不過misshk留意呢位國民老公并冇帶保鏢。其實頻頻出現喺娛樂版面嘅王思聰，幾乎冇見過佢帶保鏢出門口。反而身邊跟住幾位靚女，系王思聰出門口嘅標配。 
雖然佢帶住女朋友出門口游船河，都會帶上其他美女一齊同行。睇嚟美女嘅數量決定咗思聰嘅心情，我哋啲窮L得羨慕嘅份！ 
而家睇落，有錢人嘅生活，真系唔系misshk等凡夫俗子可以想象嘅，我哋都系洗洗睡拉。 
Like MisshkNews Facebook！不出门也能知天下事～
