應屆港姐備戰《中華小姐》，入行唔擔心影響同男友感情

2019年應屆港姐黃嘉雯（港姐冠軍）、王菲（亞軍）同古佩玲（季軍），今日出席慈善活動。黃嘉雯表示代表香港出戰《國際中華小姐》選美大賽，而家仲唔知道確實日期，預計明年初舉行，而家已經開始備戰。

黄嘉雯話：「自從選完港姐之後就放縱自己，已經有一個月冇做運動，所以準備做運動保持fit身材，又要構思才藝表演環節。」

黃嘉雯承認較早前與圈外男友去泰國旅行，不過一班朋友都有同行同吃慶功宴。

黃嘉雯認為選完港姐之後，比起賽前仲要輕松，男友冇投訴見面時間少咗，佢都隔空派定心丸，強調唔擔心入行後，會影響兩個人嘅感情。