應屆港姐陳聖瑜自認睇男人好準,卻…

有「翻版方媛」之稱嘅應屆港姐陳聖瑜(Yvette),參加香港小姐競選嗰陣一直被外界睇好可以攞冠軍,最終卻爆大冷、8強止步,令人大跌眼鏡。

雖然陳聖瑜落選港姐,但唔影響佢備受TVB力捧,更委以重任畀機會佢主持節目《讀心專家》,講到讀心,佢自認睇男人好準,因為唔少女性朋友都會向佢傾訴另一半嘅問題,問到有冇遇過渣男嗰陣?

陳聖瑜坦言:「虽然我自認睇男人好準,不过我都遇過渣男,試過畀人劈腿,但我本身嘅第六感好準,會喺好多細微地方見到蛛絲馬跡。」

傾到現時感情狀況,陳聖瑜表示宜家單身,之前有個拍拖4年嘅男友,但就否認因為參選港姐而分手,仲話因為一齊太耐,而且疫情相處多咗,反而多磨擦,分開都好,畀大家認清咩係最重要。

問到擇偶條件,陳聖瑜認為首要理解佢嘅工作模式,有時要早出晚歸,拍劇又有可能同異性有親密鏡頭。佢強調自己係事業型女生,要有穩定事業先會考慮結婚。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *