懷男胎?前港姐銅鑼灣買BB衫,專揀藍白系列

前港姐胡杏兒喺1月尾,宣布懷上二胎嘅喜訊,呢排有媒體爆料指,胡杏兒疑似懷上男寶寶,出門口揀BB衫嘅時候,專揀藍色系服飾。

據媒體報道,懷有6個幾月身孕嘅胡杏兒,日前畀讀者目擊,同老公Phil以及奶奶一齊去銅鑼灣血拼,買BB衫。

報道中提到,胡杏兒同奶奶喺店內專心揀BB衫,老公Phil就企喺門外守候住,過程中都曾經多次來回進出店面畀意見。

戴住Cap帽著寬松恤衫嘅胡杏兒,專揀藍白色系嘅BB衫,讀者爆料話,“冇睇到佢選粉紅色系,沿途有人認得佢,佢都露出笑容,好nice。”

胡杏兒同老公Phil喺2015年結婚,之後喺2017年10月生落仔仔Brendan,隔咗一年半之後胡杏兒又再宣布追B成功。

過去,胡杏兒喺懷第一胎時,因為個鼻變大,呢次又一樣,紛紛引來外界猜測,佢二胎性別應該系男寶寶。

 

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *