戲假情真!「TVB小花」戀上同劇男演員,我哋正在了解中

27歲嘅「TVB小花」李君妍(Aurora)最近攞咗服務TVB10年嘅老人金牌,多年嚟肯捱,2011年轉型參加TVB武術選秀節目《功夫新星》,舊年終于如愿簽約TVB,成為TVB親生女。

李君妍做咗「TVB親生女」,拍劇機會自然比以前多,最近喺《3日2夜》騷錫士身材。

而較早時播出嘅《她她她的少女時代》,李君妍嘅角色好出位,演出夠放,畀喻為超越余思霆成為新一代姣精,劇中李君妍搶走林凱恩嘅男朋友,更加係勾陳俊堅,仲挑釁女方。

劇集播完,但原來仲有下文,李君妍同陳俊堅疑似戲假情真,日前有報道見到李君妍同陳俊堅喺觀塘一齊行街,行為親密。

問到係咪拍拖?陳俊堅回復傳媒時話:「我哋其實識咗好耐啦,都有10年啦,之前拍《她她她的少女時代》已經約出嚟一齊打泰拳,因為呢部劇有好多打拳場面,而家又一齊再進修健身教練嘅知識,所以我哋比較close,係超級好朋友,第日有好消息一定同大家報告。」

而李君妍亦同聲同氣話:「我同阿堅識咗好耐啦,入行就已經識佢,喺《她她她的少女時代》嗰陣交流先多咗,我哋而家讀教練牌,我哋都係好朋友,而家我哋正在了解中。」

最後,都係希望李君妍、陳俊堅喺之後嘅事業上可以有所成就,期待佢哋嘅表演,加油!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *