打算明年結婚,35歲人氣男星卻突然離世

現年35歲臺灣人氣男星高以翔,27日淩晨傳出喺拍攝大陸真人騷節目《追我吧》嘅時候,突然暈倒昏迷,現場工作人員進行搶救,可惜最後回天乏術畀證實死亡。

廣大網民同圈中好友得知噩耗之後,都直言無法相信事實,不嬲給人感覺溫文儒雅嘅高以翔,生得高達威猛,點解話冇就冇咗呢?確實令人難以接受。

據悉,高以翔猝死嘅噩耗已經即刻通知其家屬同女友,由于高以翔媽媽簽證問題,未能即時趕往浙江,而其女友Bella就第一時間啟程前往浙江。

有知情人士透露,高以翔家屬希望可以低調處理其身後事,佢嘅遺體將于聽日運返臺灣。

據悉,高以翔從未正式公開過同女友Bella嘅戀情,有指Bella出世于貴族家庭,父母喺上海經商,家境富裕。兩個人喺友人介紹下認識,之後發展成為戀人。

為咗避免影響男友嘅演藝事業發展,Bella一直都好體諒同理解,并冇要求公開戀情,而且有知情人爆料指,兩個人早已經見過父母,更諗住喺明年正式舉行婚禮。

唔理結婚傳聞係真係假,喺而家睇嚟都再冇意義,邊個都冇諗過,嗰個溫文儒雅、安靜可愛嘅高以翔,就咁毫無征兆離開咗我哋,離開咗佢深愛嘅Bella。

但愿喺另一個世界入面嘅高以翔,可以繼續做一個安靜嘅大男孩,一路走好,安息。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *