拍拖4年被問幾時娶TVB視後，「野獸男友」稱冇錢點結婚

李佳芯（Ali）早已經係TVB一線花旦，更獲得TVB視後殊榮。而佢男友陳炳銓係ViuTV旗下三四線藝人，最近為新劇出席宣傳活動。

陳炳銓呢部劇講同拍拖多年嘅女友結婚，籌備期間發生爭執。問到陳炳銓系咪準備步入結婚，佢話：“目前仲係工作搏殺期，李佳芯發展得好好，我就還好吧，雖然佢已經攞咗TVB視後，但佢想要做一個演員，希望繼續做戲“。

陳炳銓仲表示：”結婚唔會影響工作，而影響工作嘅係心態。至於婚期冇專登去諗。”

其實陳炳銓來頭都唔細，佢喺加拿大Grant MacEwan College修讀舞臺制作，2002年畢業之後，返香港做戲劇班導師。之後喺Now TV主持《撳錢》、《山步.行》等節目。2014年仲自編自導自演舞臺劇《玩死卓別靈2》！

然而呢一對就一直都唔畀外界睇好，網上除咗取笑陳炳銓事業上比唔過李佳芯、要靠李佳芯接濟過活之外，仲嘲笑陳炳銓與李佳芯係「野獸與美女」！

唔理點樣，希望佢地兩個可以傳出好消息，祝福祝福。