收違法通知書!22歲香港先生無奈:我根本無諗過會噉樣

現年22歲TVB新晉小生丁子朗,自從2016年參選香港先生競選奪得亞軍后出道,到而家已經兩年幾。期間,作為新人嘅丁子朗仲備受無線嘅關注同栽培,雖然入行嘅時間唔長,但丁子朗已經喺唔少節目中亮相,人氣同知名度都提升唔少。

舊年,丁子朗更獲賞識開始參與到電視劇演出,到而家佢已經先后有兩部劇集出街與觀眾見面,分別就系《再創世紀》以及《救妻同學會》,仲有邵氏人氣網劇《飛虎之潛極戰》等。

喺跟住未出街嘅新劇仲有《堅離地愛堅離地》以及《解決師》有份參演,前途認真系一片光明。最近,丁子朗出席活動受訪時就透露,自己舊年12月份時曾經到澳洲墨爾本自駕游旅行,原本諗住送自己一個大嘅圣誕節禮物,點知卻樂極生悲!

佢話:「因為今次系自駕游,我根本無諗過會噉樣!無諗過期間會畀拍『快照』(違法超速電子眼影相),而家我收到租車公司寄過嚟嘅違法通知罰款。(罰幾多錢?)一千八蚊呀,好心痛。」

丁子朗又謂,自己并唔系首次出埠旅行選擇自駕游方式,但超速畀人罰都算系第一次遇到。問到當時車速系咪開得好快?丁子朗表示,自己平時揸車絕對系屬於好小心謹慎類型嘅司機,而且本身自己亦唔中意開快車。

佢又謂:「其實真系唔算快,嗰條路系限時速100km,我應該系超咗10km左右,噉就無咗一千八。」不過,經此一役,丁子朗表示都會開始提醒自己,喺外地揸車時會注意路牌同車速,唔會再讓自己犯同一個錯誤。

1997年出世嘅丁子朗,佢好擅長武術,據聞曾經學習過蔡李佛拳(喺1級至9級)。喺佢14歲嗰年隨屋企人移民到加拿大定居生活。據悉,佢曾經仲參加過「型男家族」競選,但無喺比賽裏贏得任何名次。

之后喺2016年,佢喺網上報名參加香港先生,并自費嚟香港面試。經過多輪篩選之后,丁子朗終于成功進入前十強總決賽,最后更奪得亞軍。賽后,丁子朗獲無線安排入讀為期三個月嘅演藝進修班,畢業之后就正式簽約TVB旗下出道喇。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *