星夢一姐首度開個唱否認「執二攤」:年頭已經有呢個計劃

日前,星梦一姐菊梓喬宣布將會喺八月份嗰陣舉行「hana菊梓喬只想與你一起演唱會」,而喺記者會上菊梓喬以一身紅色露腰長裙亮相,錫士之余又相當吸睛。

除咗公布將舉行演唱會好消息之外,喺現場仲即場頒發《忘記我自己》得白金唱片、而《但愿人長久》亦得金片成績,可謂系三喜臨門。

對于菊梓喬嚟講,原來開演唱會系佢多年嚟嘅夢想,談及由于同公司藝人胡鴻鈞因為囂張而被「雪藏」,先由佢臨時頂上,菊梓喬就馬上否認「執二攤」。

佢話:「其實年頭都有呢個計劃,只系就個唱導演同監制先落實呢期,胡鴻鈞邊有被「雪藏」,佢好忙好多嘢做,日日拍劇嘅,(請佢做嘉賓?)我都想,唔知道佢到有冇時間過嚟。」

至於仲有咩嘉賓想請,菊梓喬就表示有好多人,比如容祖兒,問到緋聞男友張景淳會唔會都請,佢就表示:「如果佢得閑都想請佢,仲有《愛回家》全部演員。」唔知到時菊梓喬又會畀我哋帶嚟點精彩噶演出呢?

不過菊梓喬喺2017年先進入到星夢娛樂,備受賞識嘅佢所推出嘅首支劇集主題曲《一輩子守候》就已經榮登多個音樂流行榜,更加成為勁歌金曲榜兩周冠軍同三臺冠軍歌。

而舊年仲憑借《只想與你再一起》、《飛蛾撲火》同《但愿人長久》成為《2018年度勁歌金曲頒獎典禮》「最受歡迎女歌手」。

然而對今次開個唱,菊梓喬就表示覺得好冒險,佢話:「一開開兩場,我仲有三個月練體能,增肥,因為我唱三、四首歌就會肚餓,所以公司特別幫我特別安排,等我換衫時,臺下準備嘢食,唔知道臺上擺個雞煲得唔得,我表演食嘢。」

唔理點樣,今年33歲嘅菊梓喬真系前途無量,希望佢繼續畀我哋帶嚟更加精彩嘅作品,亦都祝佢演唱會圓滿順利,加油!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *