星途唔可靠?呢啲港姐當選后繼續進修!

10個參選港姐,9個都做星夢,不過唔系個個港姐都有機會突圍而出,星途燦爛。以下幾位港姐,同樣美貌與智慧并重,但唔甘心畀娛樂圈綁死,繼續進修,尋找新出路!

岑杏賢:理大諮商與輔導文學碩士

岑杏賢Jennifer同朱千雪為同屆港姐,奪最上鏡小姐、最佳首飾演繹大獎同時尚目光獎,但加TVB后演出機會唔算多,即使有份共《愛·回家》同《不懂撒嬌的女人》,但都系做閑角,星途平平。

其實岑杏賢參選港姐嗰陣已經系心理學學士,一直有意做心理治療工作。雖然加入娛樂圈后,但不忘進修,攻讀理大諮商與輔導文學碩士課程,并喺2014年畢業,而家除咗平時接工作,仲起職道生涯規劃輔導協會擔任輔導員,又喺Big Big Channel開臺《心理急救室》,與閨蜜朱千雪一齊上,學以致用!

朱千雪:中大傳播學院碩士、香港城市大學攻讀法律博士

朱千雪喺2012年參選港姐獲民選季軍,一直都系網民心中大熱,畀封「千雪BB」。多年來千雪BB參與過唔少綜藝節目做嘉賓,電視劇十只手指數得曬,喺2016年《EU超時任務》唯一次擔正做女主角并得到「最受歡迎劇集搭檔」獎,以及喺2017年大熱劇集《踩過界》中客串戴天恩一角,得到《星和無線電視大獎2017》「我最愛TVB電視女角色」。

不過千雪BB醉心學業,近年先后報讀中大傳播學院碩士,而家又喺城大攻讀法律博士,極度有可能向法律界進發!佢曾經表示兩個課程學費加埋要幾十萬,都系靠出活動接工作幫補學費,可見佢志不在娛樂圈。當千雪BB畢業之際,唔知大家仲有冇機會喺熒光幕見到佢呢?

徐子珊:港大心理學碩士

2004年參選港姐并獲冠軍寶座嘅徐子珊,早期備受力捧,得到電影、電視演出機會。徐子珊出道短短2年就畀提名參選《萬千星輝頒獎典禮》多個獎,短短3年就奪「飛躍進步女藝員」,之后再獲「我最喜愛電視女角色」,但喺2015年約滿后選擇離巢。

離開TVB后,子珊攻讀珠寶設計,創立網上自家品牌珠寶;而家又喺港大就讀心理學碩士,事業、學業同步進行,生活都好有計劃。

朱凱婷:中大企業傳訊社會科學碩士

朱凱婷為2001年港姐季軍,又奪國際親善小姐。有別以上港姐,佢強項系口才好,會流利中英文,仲識日文!所以佢主力喺TVB做主持,曾參與《創富坊》、《東張西望》、奧運特備節目同其他大型節目等。

只靠TVB,肯定冇機會突圍。Heidi知道自己優勢,繼續進修,取得中大企業傳訊社會科學碩士學位,再唔停接工做主持,好受大品牌歡迎,憑借港姐名氣加埋自身努力,腳踏實地靠口賺錢!

張嘉兒:中大公共衛生碩士

有「豬扒港姐」之稱嘅張嘉兒,奪得2007年港姐冠軍,可能唔受觀眾討好,演藝事業唔太成功,即使參加過近二十套劇集,都冇機會做主角或者配角,角色好易畀遺忘。

2017年起,張嘉兒由TVB經理人合約為基本藝人合約,演出機會幾乎近零。好彩佢有修讀中大公共衛生碩士,又有湊女Leora嘅經驗,喺Facebook設立專頁做媽媽發言者,得到唔少親子品牌垂青,令佢殺出新血路!

撰稿:Fanny Ngan
本站負責轉載以及潤色本文
如有侵權,請聯繫刪除

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *