李克勤近照大曝光,滄桑殘樣竟然比69歲譚詠麟更顯老!

當年,由李克勤同梁榮忠主持嘅TVB綜藝節目《殘酷一叮》一度成為全城熱話,日前李克勤就喺社交平臺曬出咗同梁榮忠嘅合照,并寫道:「喂!老友!」,即時勾起觀眾無數回憶。

不過亦有唔少網民感嘆歲月催人,李克勤同梁榮忠比當年老咗唔少,尤其係李克勤唔單止皺紋橫生,更加驚現大眼袋,一面憔悴。

李克勤同梁榮忠曾經拍檔主持節目《暑假玩到盡》、《叻人新世紀》、《殘酷一叮》,默契十足,相識多年嘅佢哋更加經常約埋一齊敘舊。

現年52歲嘅李克勤出道到而家有唔少經典作品,更被視為譚詠麟(校長)嘅「接班人」,佢同校長組成嘅「左麟右李」大受歡迎,更到世界各地登臺演出。

雖然李克勤同譚詠麟年紀相差17歲,但一樣好合拍,更一齊投資開餐廳,呢幾年李克勤經常獲邀到大陸表演,舞臺上佢嘅精神爽利,依然係好有魅力。

不過呢次近照畀曝光,竟然滄桑殘樣,比起Keep住做運動,得閑嗰陣出海釣魚、行山、打羽毛球嘅譚詠麟,李克勤似乎更顯老,唔少網民仲留言叫李克勤休息多啲!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *