港姐亞軍何依婷加入「是非精」行列,有望上位做一線新星……

TVB節目《學是學非》深受觀眾歡迎,生做長有,可以做「是非精」女藝人都會成功入屋,人氣急升。日前,節目就宣布港姐亞軍何依婷會加入做新「是非精」,令人期待。

現年24歲的何依婷在2017年參選《香港小姐競選》,由於表現淡定,在港姐「十強誕生」當日,被TVB高層樂易玲點名大贊:「想贊嚇你!你不論表現、談吐,呢個月睇到你進步好多,都見到你充滿自信。」

被樂小姐加持後,何依婷就成功以大熱姿態勇奪亞軍及「美麗觸覺大獎」入行。同年9月,她正式入讀2017藝員訓練班(第29期藝員訓練班)。

由于何依婷擁有甜爆嘅笑容,今年3月,佢正式畀選中加入兒童節目《Think Big Family》做主持。佢喺《Think Big天地》嘅形象,亦好得到家庭觀眾嘅歡心,有愛心之余,小朋友都鐘意。當中佢曾被安排以學生妹look上陣主持,畀網民大贊好pure好true,成為新一代女神。

今年5月,何依婷成為經理人合約藝員,而同屆冠軍雷莊兒以及季軍黃瑋琦卸任后都表示唔會簽約TVB,分別就返加拿大同美國發展。獨留TVB發展嘅何依婷之后又被安排加入住宅資訊節目《安樂蝸》做主持。可惜,同月尾佢就畀影到同一個白衫男喺地鐵伊挹,事后佢承認蜜運中,令唔少宅男心碎。

喺10月,佢又接拍首部處女劇,于《機場特警》中演鐘意型男嘅網紅,與揚明有感情線,相信戲份相當重。而家,佢又與張寶兒、梁嘉琪、麥美恩、湯洛雯、馮盈盈、劉穎鏇同鄺潔楹一同主持《學是學非》,想必會收獲多啲人氣,有望上位成為力捧一線新星。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *