最近正值系日本櫻花盛開嘅季節，唔少藝人都帶埋屋企人或者愛侶、三五知己齊齊飛日本觀賞櫻花。現年40歲TVB名嘴陸浩明亦唔例外，不嬲浪漫主義嘅佢，點會放過咁好嘅機會呢？
呢排，佢帶上模特兒女友陳詩欣，齊齊飛去日本欣賞櫻花。
期間，二個人更不忘喺櫻花樹下合照留念，將浪漫時刻紀錄落嚟，認真夠sweet！相中可見，陳詩欣著上迷人嘅粉紅色恤衫，喺現場漫天櫻花嘅環境，簡直系襯到絕，而陸浩明則攬實女友纖腰，實在甜蜜到爆！ 
陸浩明喺社交網站曬出同女友嘅甜蜜合照，仲特登用上張敬軒嗰首經典名曲《櫻花樹下》歌詞：「還記得櫻花正開，還未懂跟你示愛。」好多網友都問：系咪準備求婚呀？其實二個人都已經唔單止一次畀傳出好事近喇，希望早日聽到佢哋好消息。 
1979年出世嘅陸浩明，現時系TVB旗下力捧嘅司儀、主持之一，本身出身電臺DJ嘅佢能言會道，反應能力好強，自從2012年10月轉投TVB發展到而家，陸浩明深得高層嘅重視，到而家佢已經為多個節目同大型活動擔任司儀同主持工作，人氣都好高。 
據悉，陸浩明最近通告不斷，佢要同時兼顧三個節目。受訪嘅時候，陸浩明笑言相當考驗自己嘅演技：「喺綜藝節目《娛樂大家》內，我要玩遊戲之余，仲要即場做趣劇，試過一次要諷刺香港樓價，演完臺下觀眾反應都唔錯，算系新嘗試。」 
而提到與肥媽合作嘅飲食節目，因為深受市民歡迎，一直做到第八輯，陸浩明直言想搞新噱頭，想為一直支持自己嘅觀眾帶嚟新驚喜！佢表示：「今次唔單止去街市買餸咁簡單，我哋仲走訪農場、去揾一啲有機食材等等，提倡香港原味道。」
果然系大忙人，難得工作處于拼搏階段都冇忽略女友，仲趁空擋帶女友走一轉日本欣賞櫻花，認真系24孝男友喇！
希望陸浩明繼續為觀眾帶嚟多啲精彩作品之余，早日同女友拉埋天窗，祝福祝福！
Like MisshkNews Facebook！不出门也能知天下事～
