熱門佳麗想攞冠軍，自稱係超市大王個女

一年一度嘅港姐選舉不嬲都係TVB一大盛事，呢次更加係曾志偉空降做高層嘅最大項目，雖然受到疫情影響，一眾港姐唯有留喺香港拍外景，但絲毫冇影響到佢哋嘅熱情，報名參加嘅人數不減反增。

不過，呢屆嘅參選佳麗明顯高質咗唔少，有星二代、富二代、學霸集齊，外貌標誌之餘仲好有特色。

當中畀網民追封為「翻版吳謹言」嘅大熱佳麗王嫿嫿（Anna），較早時曾經提及家族喺溫哥華經營連鎖式超巿，自曝係富貴家底，係一個富二代。

不過被問到屋企嘅連鎖超市生意有幾多間分店嗰陣，王嫿嫿就話唔知，因為佢平日都無打理過家族生意。

但呢日王嫿嫿又改口指自己屋企唔係富貴家庭，父母已經退咗休，已經冇做超市好幾年，究竟呢位「翻版吳謹言」係真富貴定係想炒作話題呢？

王嫿嫿本身亦擁有三個有關工商管理同電影系嘅學位，參選港姐其實係為咗一圓自己嘅電影夢。

王嫿嫿恨攞港姐冠軍，其實大家都知道，皆因佢從參選嗰陣面對記者就以話題王身份出現，之后更自我宣傳為有米千金，而且用學位為自己增加籌碼。

最後都係希望王嫿嫿可以如願以償攞到港姐冠軍啦。