爆古天樂秘建五千萬海上行宮,連床褥都價值過百萬!

現年48歲嘅古天樂,演藝事業如日中天,近年更積極擴張事業版圖,成立電影同經理人公司做老細,所以畀封為「新一代電影大亨」,但古天樂卻回應:放過我啦。

外表cool又零緋聞,兼工狂嘅佢,一年拍電影數量超過6部,名副其實嘅勞模。

不過事實上古天樂都知情識趣,識得享受,今年初佢豪擲五千萬買大玩具,秘密購入一艘豪華嘅私家游艇,作為海上行宮。

除咗私隱度高之外,仲將船身油上氣派不凡嘅型仔黑色。

傳聞,船身顏色襯其黝黑膚色,霸氣盡現,有指原來同風水有關。

玄學家區仲德表示,黑色五行屬水,游艇入海,水旺上加旺,對于命格以水為喜神嘅古仔嚟講,有助于佢凡事順風順水。

五千萬嘅豪華游艇,自然唔少得名牌配置,佢用上咗英國皇室御用嘅牌子VI-Spring,素有床上用品界嘅勞斯萊斯之稱,就連英女皇都選用,每張床褥最低限十萬蚊,最貴甚至一百萬蚊一張,身價不菲,絕對系富豪級嘅享受。

呢艘model Princess 88嘅游艇,由英國船廠生產,全長八十八呎,系古仔喺今年初豪擲約五千萬港元訂購,直至最近先啱啱運送抵港,日前,呢艘船停泊喺青衣船廠,裝置同粉飾船艙內籠,在場嘅工人忙住為新船裝嵌家俬。

不過,古天樂買呢艘豪華游艇并唔系為咗約會佳人,而系孝順父母,鑒于古媽咪鐘意睇煙花,所以特登買嚟游艇喺海上睇煙花。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *