較早前，TVB小生郭子豪因為涉嫌醉駕，但又講大話而形象插水，深知無法再逃避嘅佢，喺面對傳媒時忍唔住喊咗，不停認蠢認錯，更加直言希望大家可以畀一次改過機會佢。
當時佢就表示：「做呢行應酬飲兩杯難免，希望大家見諒，但一定會注意，仲會小心啲，會兩樣嘢分開。老師講過選擇做藝人，一出門口就係返工，過去三四年好努力工作，但係卻疏忽檢點自己嘅生活。」
不過一波未平一波又起，原本以為單嘢就咁過去時，郭子豪卻突然畀爆出孭住拍拖三年圈外正印女友，「偷食」應屆香港小姐亞軍鄧卓殷。
佢仲喺社交平臺留言解釋話：「因為牽涉圈外人，又唔系乜喜訊，一直冇宣佈自己嘅狀態。我同佢已經散咗有一段時間，多謝傳媒朋友關心，但希望畀少少空間，最近已經發生咗好多嘢，感激感激。」
不過該言論發表冇幾耐，其正印舊愛一度喺社交平臺發文，仲意有所指嘅表示郭子豪講大話自保，形象再次插水，不過郭子豪與鄧卓殷卻一直未承認戀情。
然而直到喺尋日，郭子豪突然間喺社交平臺發文：「喜歡的也許不用在一起」，唔知道講咁邊個呢？
1991年嘅郭子豪出世喺富裕家庭，喺2014年嘅時候，佢就加入到TVB開始發展其演藝事業，期間佢曾經拍攝過唔少嘅劇集，比如《一屋老友記》、《巨輪2》、《幕後玩家》、《同盟》、《誇世代》、《三個女人一個“因”》、《跳躍生命線》等。 
唔理點樣，希望單嘢早日過去，期待郭子豪可以喺跟住落嚟嘅新劇《包青天再起風云》、《法證先鋒4》中有更加精彩演出，大家不妨一齊拭目以待！ 
Like MisshkNews Facebook！不出门也能知天下事～
