畀爆去美國揾黃心穎,馬國明最終都係心軟?

黃心穎喺今年4月,畀踢爆與人夫許志安喺車廂出軌,許志安同黃心穎分別就為單嘢道歉,兩個人更即時停工,復出無期,形象同事業一鋪清袋。

今日據傳媒爆料,黃心穎人雖然喺美國,但係頻頻越洋打電話、傳簡訊,喊求馬國明到美國陪伴自己,而且情緒好激動,就係希望對方可以飛去美國。

消息都指出,馬國明雖然心裏面依然放唔低黃心穎,但一開始佢堅持唔肯去,認為需要冷靜一段時間,不過最近佢就有啲動搖,因為有消息指出黃心穎疑似大肚。

啱啱馬國明喺6月尾先得閑,準備會有一個月大假,不過有指佢屋企人極力反對呢件事,所以佢系咪會去美國陪黃心穎係依然未知數。

馬國明早前出席活動畀問及其事嘅時候,低調表示:「唔講喇,過咗咁耐仲講。」拒絕過多回應,之後畀追問阿媽系咪有催佢另覓拍拖對象,佢就表示呢啲要隨緣。

事實上,馬國明先前喺受訪時,曾經提到之後搵女朋友唔會太設限,「會隨遇而安。」

當時呢段對話都畀外界揣測,佢系咪喺到暗示已經同黃心穎分手,如果唔系,都唔會提到將來搵女友嘅標準,瞬間掀起唔少熱議,不過對此佢都并未多做回應。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *