盤點三位TVB「隱形富婆」，住半山豪宅，專業茄喱啡！

講真系，做人千祈唔好以貌取人。

因為你分分鐘都唔知，你睇唔起嘅一啲人，或者普通朋友，身家揈你好幾條街呀。就好似喺TVB里面，好多人都話作為港劇小生、花旦，大都賺唔多，貌似好窮嘅樣。

但我可以話畀你聽，有時TVB入面一個女綠葉、女主持人、女配角，身家過億、10億嘅都有，加入娛樂圈，可能系為咗玩玩嚇，并非要爭取咩名利，體驗生活嘅啫。下面呢三個，就系TVB近年嚟曝出嘅隱形小富婆。

1、趙希洛
因TVB港劇《棟仁的時光》走紅嘅女配角——趙希洛，因為劇中無良女上司而備受關心。人紅咗，自然會有記者扒其背景，結果趙希洛系一鳴驚人呀。

早幾個月前，趙希洛畀曝出原來家底豐厚，學歷高嘅佢生活過得優哉游哉、與世無爭，但其實老豆喺澳洲經營石油生意，老母也系名門之人。同父母分開住嘅趙希洛，喺香港住喺老豆買嘅價值1億五千萬蚊嘅半山豪宅，豪車都有。

2、黃文意
今年26歲TVB小花——黃文意，因為系入行嘅新人，所以而家系做女主播、女主持人，一步步由底層爬上去，有朝一日應該都有機會上位嘅。

但噉樣嘅一個有住網好臉嘅普通TVB女藝人，原來都系嚟體驗生活嘅。舊年10月畀記者扒出，喺TVB月入凈系1萬多港元嘅佢，老竇系喺內地做生意，超有錢，預估身家最低都有十個億。佢平時喺香港出行，有專車、有司機接送。

3、宋芝齡
曾參加過TVB香港小姐選舉嘅宋芝齡，1996年17歲時入行，系中韓混血兒嚟嘅。混咗咁多年，喺TVB多數都系做配角、做主持人為主，因為精通中文，喺香港有“韓國通”之稱。

雖然喺TVB一直都冇咩人氣，但佢好聰明，呢啲年靠住做韓國生意（開韓文學校，分校將會擴至6間），月入高達6位數，做女老板搵錢搵到手軟。

日前，佢出現喺中環名店附近畀娛樂記者影到，見到佢抱住一條身價10萬嘅愛犬，身邊有三個傭人貼身服侍，富婆出巡備有面。