粉絲集資買巴士廣告,預祝「國民初戀」姚焯菲生日快樂

「國民初戀」姚焯菲(Chantel)雖然喺《聲夢傳奇》決賽當晚捧蛋,但佢完全冇有怕,皆因佢雖然輸咗比賽,但人氣反而節節上升,依家仲跑贏冠軍炎明熹搶先拍廣告。

姚焯菲除咗深得廣告商喜愛之外,仲深得粉絲疼錫,皆因佢下禮拜三(9月22日)15歲生日,已經獲粉絲安排一系列「節目」慶祝,其中包括集資買低巴士車身廣告,尋日已經可以喺街上可見。

除此之外,姚焯菲日前為港姐決賽擔任表演嘉賓,更獲TVB高層送上珍藏2021港姐套裝精品做生日禮物,佢即扮戴迷你后冠,獲唔少網民讚佢靚到可以參選港姐!

事后姚焯菲接受記者訪問,被問到生日愿望會想先組女團定推出新歌?佢反問:「唔係組女團之后先會推出新歌?」主持笑言可以單飛出歌嗰陣,佢即傻笑表示:「咁我唔知道,我覺得兩樣都好。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *