自認絕世好女友!前港姐畀首期男友置業卻無自己名,透露將會同居

日前,前港姐冠軍馮盈盈就出席咗韓國嘅一個護膚品牌活動,以齊紝同小禮服亮相嘅佢,好似比起先前要斯文淑女唔少,唔知大家又點睇呢?

其實馮盈盈一直以嚟“以貼地著稱”!1994年生嘅佢通過參加2016年香港小姐競選勇奪冠軍寶座而開始入行,不過一路因為其出位嘅言論而畀網民觀眾冠以“貼地”港姐嘅稱號,形象好深入民心,備受關注。

后尾開始擔任資訊節目《學是學非》以“是非精”嘅角色成功入屋,跟住又同師姐麥明詩仲有陸浩明一同主持《#后生仔傾下偈》,系該節目中,佢大膽言論再次刷新觀眾對佢印象,更經常因此而成為娛樂新聞嘅焦點。

性格大大咧咧嘅佢,最近就為TVB嘅新劇《極道怪咖》開工拍攝,咁今次喺新劇中,佢將飾演一個淑女嘅角色,唔知對于咁大膽豪放嘅馮盈盈嚟講,系咪一次全新嘅挑戰呢?

不過,先唔講劇中表現如何,馮盈盈就透露最近嘅淑女形象深得男友歡心,佢話:“寶寶(男友)特別開心,因為佢心目中嘅女友系小鳥依人同女性化一啲,所以想我24小時都投入角色,唔好大聲講話同鬧佢,不過尋晚我哋又嘈完架,唔小心發咗佢脾氣。”

馮盈盈同男友感情一直都系好穩定,因此不時都會傳出兩人喜結連理的好消息,不過仲未置業嘅兩人,對此就表示唔排除閃婚。經過努力存錢,男友呢排終于“上車”置業買房,不過業主名就冇加埋馮盈盈嘅名。

馮盈盈話:“系無我名,但首期我有份畀,都算系絕世好女友。等到時裝修好,我都會搬入去,方便工作,加埋本身同屋企人住,平時夜咗返嚟會騷擾到佢哋嘅。”

其實講到馮盈盈,喺過去嘅一年里面,備受公司力捧嘅佢,唔單止首次參演嘅劇集就已經擔任主要角色,甚至系唔少嘅大型活動都請佢做司儀,譬如港姐競選、萬千星輝賀臺慶等。喺頒獎禮上,佢更加系勇奪飛躍進步女藝員,佢都表示自己仍有進步嘅空間,會繼續努力。

除咗《極道怪咖》之外,馮盈盈喺跟住落嚟嘅新劇《白色強人》、《解決師》中均有份演出,唔知到時佢又會畀我哋帶嚟點精彩噶演出呢?大家不妨一齊拭目以待!

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *