TVB處境劇《愛回家之開心速遞》憑借其貼地嘅劇情，同一眾演員嘅幽默演出而成功入屋，更加系蟬聯多周嘅收視冠軍，之前已經宣布添食，相信跟住落嚟嘅劇情發展一定會更加精彩。
除咗劇集收視高收創下佳績之外，連帶劇中嘅演員都備受關注人氣急升，比如人氣螢幕情侶「大小姐」同「送水輝」，仲有「龔燁」同「熊若水」等，然而喺劇中飾演反派角色「細龍太」陳偉琪雖然角色唔討好，但依然系大獲好評。
而日前就迎來咗陳偉琪嘅28歲生日，所謂「窈窕淑女君子好逑」，女神生日，身邊嘅追求者自然趁住呢個機會大獻殷勤，而人緣甚好嘅陳偉琪除咗獲得《愛回家》劇組驚喜慶生之外。
陳偉琪仲收到咗唔少玫瑰花，相當浪漫。 
相信唔少嘅女仔都好羨慕「細龍太」，生日期間就已經收到咗三種顏色嘅玫瑰花，而陳偉琪都開心喺社交網上同大家分享，兼夾感謝所有人對佢嘅痛錫。
她寫道：「這個生日月很愉快。＃雷珍妮寵壞了。感謝愛我的你們。我會努力，希望繼續帶給大家歡笑。It’s still my birthday，isn’t it? ??Say happy birthday to me for the 1000th time。」 
1991年出世嘅陳偉琪，同大多數藝人一樣，都系通過選美入行，曾經喺《2011年度溫哥華華裔小姐》獲得亞軍。
喺2013年嘅時候再戰香港小姐，不過就可惜落選，但系備受賞識嘅佢，喺選美結束之後就進入TVB，開始發展其演藝事業。
期間佢都曾經參與過唔少電視劇集嘅拍攝，比如《潮拜武當》、《警犬巴打》、《潮流教主》、《純熟意外》、《乘勝狙擊》、《超時空男臣》、《誇世代》、《溏心風暴3》、《是咁的，法官閣下》等。
唔理點樣，期待陳偉琪喺跟住新劇《十二傳說》中嘅精彩演出，大家不妨一齊拭目以待！
Like MisshkNews Facebook！不出门也能知天下事～
