落選港姐被指“翻版泳兒”遭屋主逼遷急搬屋當眾試床

無線小花陳婉衡(Alycia)年前只身由加拿大返港發展,一直名多于利。收入一般嘅佢以相宜租金租住位于香港仔嘅單位,一住4年「唔舍得搬」,不過呢排業主跟足條例收樓,最遲本月頭佢就要遷出。

「驚聞惡耗」之后再畀娛樂新聞臺派差離港公干超過一周,「冇時間、冇彈藥」之下Alycia大感榜徨無助,幸而最終到大佬出手相助,成功租得嗰月租萬多元、位于北角嘅新居。

Alycia呢排畀發現單拖現身銅鑼灣大型家私店,主攻「大件抵食」家居,上到梳化下至茶幾同布衣柜一腳踢唔放過,期間身穿貼身背心嘅佢不時攞軟尺度位,睇中咗其中一張約900蚊嘅梳化床時佢意欲「試瞓」,但系唔識點開啟,顯得雞手鴨腳,令唔少途人駐足八卦,佢就一于少理!Alycia于家私店停留約一個鐘之后,再行去附近家品店買地拖,平日愛扮靚靚搶Fo嘅佢放低女神形象,與身旁師奶「搶平野」,相當貼地。

佢無奈謂:「真系慳得就慳啦,因為呢次搬屋唔系喺我預算之內,當初好擔心租唔到樓、搬唔切要瞓天橋底!呢啲家私最緊要平,用得就算,始終系租盤吖嘛,下次再搬我冇打算拆走啦。坦白講,我今次連搬屋公司都冇請,諗住Call車、揾幾個猛男朋友幫手,最多請佢哋食飯羅。」

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *