日前，TVB宅男女神陳嘉寶出席咗一家品牌開幕活動，喺今年一月份榮升做媽咪嘅佢，依然保持得好好，好似僆妹樣，完全唔似系已經做咗媽咪嘅人，實在令人羨慕！
而較早時陳嘉寶就帶埋個女一家三口去旅行，至於系咪已經度過咗初哥媽咪嘅時期，陳嘉寶就表示：「所有嘢都好自然，基本上冇乜特別，反而覺得自己各方面要平衡。
無論幾時都要有二人世界，噉先有能力應付到家庭。（兩公婆去旅行？）大家幫我問下公司，可唔可以再畀時間我。」
好友陳凱琳較早時都晉身成為人母，唔知老友鬼鬼嘅兩個人，有無各自帶上BB一起約見呢？不過鬼馬嘅陳嘉寶馬上「詐傻」笑話自己咩都唔知，直言自己得18歲。
佢話：「我哋見過好多次，跟住都會再約下午茶，傾下扮靚經。（育兒經呢？）其實我哋兩個都冇生過，唔知道大家講緊咩呀，我哋18歲啫，啱啱讀完書，呢啲問題太復雜唔識答，我哋成日都咁催眠自己。」
不過陳嘉寶就直言而家公司要比個女仲難搞，因為之前待產到分娩放假時間較長，導致後尾嘅時間，更加難以控制。
佢話：「我覺得而家人生中最難搞系要搞掂公司，之前放假放得太耐，變咗時間上好難操控，而家要籌備出書，我可以透露少少有可能系關於新聞或者自身方面，仲同出版社商量邊個題材會好啲。」 
1990年出世嘅陳嘉寶，喺入行前曾經做過模特，後來因為拍攝香港邦民日本財務廣告為人熟而畀稱為「邦民女」，喺香港樹仁大學新聞及傳理系畢業嘅佢，喺2014年嗰陣就進入到TVB，開始發展其演藝事業。
而佢喺劇集《女人俱樂部》中飾演嘅「巫小詩」即李若彤少女版，大獲好評，成功入屋，後來由佢主演嘅《僵》，再度獲得網民嘅熱捧。
唔理點樣，期待可以繼續見到佢嘅作品，加油！
Like MisshkNews Facebook！不出门也能知天下事～
