謝霆鋒初戀與港姐細佬今日結婚，拍拖近二十年終有名分！

歌手戴辛尉同拍拖近二十年前港姐梁佩瑚細佬梁焯皓結束愛情長跑，喺今日舉行婚宴，戴辛尉著上中式低胸大露背嫁衣，戴咗三對重型龍鳳鈪，行頭十足！

而戴辛尉嘅好友嚴淑明更陪好姊妹出嫁，一班姊妹團又開心合照。

戴辛尉其實係謝霆鋒嘅初戀情人，佢同梁焯皓拍拖之後，早幾年已經有結婚打算。

只係因為當時屋企有事，加埋雙方工作好忙，先暫時放低結婚計劃，不過梁焯皓又覺得同佢拍拖咁多年，係時候畀佢名份，所以喺舊年梁佩瑚屋企食圑年之後，喺屋企人見證下正式求婚。