賭王「最索千金」喺社交平臺貼文，鬧爆出軌渣男….

已故賭王何鴻燊嘅三房千金何超蓮，佢曾經暗示自己喺感情路上畀舊愛出軌背叛，今年4月佢嘅好姊妹周揚青宣佈同羅志祥分手嗰陣，佢曾經喺社交平臺數臭男方偷食。

當時何超蓮留言表示：「你經歷的我都經歷過，我知道那有多痛，好佩服你嘅勇敢，加油我的胖胖。」讓人懷疑何超蓮當年同臺灣男星吳克群拍拖嘅時候，遭對方不忠傷害。

而家何超蓮同大陸藝人男友竇驍拍拖甜蜜蜜，處于熱戀期嘅佢，梗係過得好幸福，但曾經歷過情傷嘅佢，到而家依然好痛恨偷食男同第三者。

何超蓮呢排有追大陸熱播劇集《三十而已》，故事講述三個30歲女人嘅故事，當中包括家庭、愛情同事業等。

何超蓮呢日喺社交平臺曬出咗其中一幕嘅截圖，劇情講述大陸男星李澤鋒飾演嘅許幻山，孭住老婆顧佳，同張月飾演嘅第三者林有有到酒店偷情。

何超蓮就留咗五個嫐爆嘅emoji嚟表達心情，可見佢睇呢場戲睇到相當之嬲，佢又直言自己要激死，最衰係劇中嗰個偷食嘅老公。