鄺美璇先拔頭籌奪得「友誼小姐」,今晚泳衣總彩排

尋日《2020香港小姐競選》》十強佳麗喺將軍澳電視城互選「友誼小姐」獎項,結果5號佳麗鄺美璇先拔頭籌奪得「友誼小姐」,鄺美璇被記者問到會唔會擔心「友誼小姐」魔咒,未能奪得三甲?

鄺美璇話:「我有聽過,但唔驚因為我已經覺贏咗,可以識到好多女仔,仲學到好多嘢,已經贏得一次好好嘅經驗,再且呢個獎好啱我,因為我好鐘意幫人。(對三甲打定輸數?)又唔會,決賽嗰晚我都會盡全力做到最好。」

記者講到鄺美璇家姐鄺美琪4年前報名港姐未能入圍?佢話唔會作比較,全家都好支持自己。

記者問到有冇為今日嘅泳衣總彩排做準備?鄺美璇表示呢兩個月戒澱粉質同糖水,體重已減咗20磅,不過仲有少少baby fat。

大熱佳麗嘅郭栢妍、廖慧儀、謝嘉怡同陳楨怡都表示唔會為泳衣總彩排禁食,因為會禁食會導致冇氣跳舞,但會少食。

除此之外,《2020香港小姐競選決賽》將喺2020年8月30日晚上8點半舉行,TVB仲特別安排所有佳麗經過智慧消毒通道入場,并為每一位佳麗用過嘅咪進行消毒,更宣布決賽当晚唔會招待現場觀眾。

Like MisshkNews Facebook!不出门也能知天下事~

發佈留言

發佈留言必須填寫的電子郵件地址不會公開。 必填欄位標示為 *